poemas de amor body{ cursor:url(http://cuw.iespana.es/archivos/amor07.ani);} poemas de amor ozna-ozna : El mío Manolín (ozna)

domingo, 5 de agosto de 2012

El mío Manolín (ozna)


Güei voi contavos una historia que-y pasó al mio Manolín.
Llevantose pela mañana mui nerviosu y contentu. Diba buscar la dentadura que va tiempu tenía encargá.
Antes de marchar, díxome mui gallasperu:
-"Vas faceme pa comer unes chiletines bien torraínes pa rolleles colos mios dientinos nuevos".
¡¡Qué perguapu llegó el mio Manolín cola dentadura!!
¡¡Cómo-y rellucín!!
Él, colo presumíu que ye, nun zarraba la boca pa que tol mundu-y los viera.
Después de dormir la siesta, díxome:
"¿Vamos pa la playa, mio niñina?".
"Vamos", dixe yo. "Pero has de dexar los dientes en casa", a lo que él, mui enfadáu, contestome: "¡¡¡Ni hablar!!! Yo nun me separo d'ellos".
Conclusión, lleguemos a la playa y metímonos en el mar.
"Ciarra la boca, Manolín. Que va venir una ola y vas perdelos". Oh, desgracia.
Namás dicir eso, vieno una olona gigante y envolviómelu tou. Ahí veo al mio Manolín tras los sos dientinos ya la xente, al velu, púsose a correr tamién pa aidalu a salvar la dentaura que más y más lloñe marchaba de onde taben.
En eso, una olona xugetona tráxola pa l'arena. Formose un círculu xente alredor d'ella, especulando toos si nun sedría la dentaura d'algún dios griegu. Y el mio Manolín, cagándose en too lo que se meneaba, acercose y pañola, rabaneru, del suelu, metiéndola na boxa con llárimes nos sos güeyos, non pol disgustu de tar apuntu perdela, sinón del dañu que-y facía l'arena na llenguona, dicía "mi dentaura guapina!!! Cuánto te quiero!!"


Infinitas gracias amig@s por vuestro respeto y cariño
ozna
Safe Creative #1303014693725